சித்தப்பித்தன்
10 August 2026
என்பார் பெரியோர் இதுபுனித இரத்தமென்று
அன்பால் அகிலம் அகமகிழ - முன்பே
பிறப்பிற்கும் மூலப் பெருமை இதுவே
சிறப்பாய்ப் போற்றுதல் சிறப்பு.
Click any word to see its meaning.
Short meaning
அறிவில் சிறந்த பெரியோர்கள், இந்த உலகம் அன்பால் மகிழக் காரணமான இது 'புனிதமான இரத்தம்' என்று சொல்வார்கள். உலகிலுள்ள அனைத்துப் பிறப்புகளுக்கும் மூலக் காரணமாக விளங்கும் பெருமை இதுவேயாகும். இதைச் சிறப்பாகப் போற்றுவதே உண்மையான சிறப்பாகும்.
—
Your rating:
This verse online
Related
Venba
செந்நீர் மாண்பு
திங்கள் சுழற்சியில் செந்நீர் வெளிவரல்
மங்கையர் தேகத்து மாண்பாகும் - துங்க
உயிர்களை மண்ணில் உதிக்கவே செய்யும்
செயலது விந்தையின் சீர்.
Same collection
Venba
கருவாக்கும் குருதி
சீர்ஆன பூப்பைத் தீட்டென்று சொல்லியே
ஊரார் ஒதுக்குதல் ஊனமே - நேராக
மண்ணில் மழலை மலரக் கருவாகும்
பெண்ணின் உதிரம் பெருமை.
Same collection
Venba
மலைநிகர் மங்கை
பெருமைக் குரிய பெருநிகழ்வால் நெஞ்சில்
உருவாகும் சோர்வை உடைப்பாள் - தருமமிகு
வலியினைத் தாங்கி மலையென நிற்பாள்
பொலிவோடு பெண்ணவள் பார்.
Same collection
Comments
No comments yet. Be the first.