சித்தப்பித்தன்
10 ஆகஸ்ட் 2026
ஆல முண்டான் அடியாரைக் காத்திடவே
காலனை யுதைத்துக் காய்ந்தானே — ஞாலத்து
வெற்றி வடிவேலன் தந்தை விறல்சிவன்
நற்றாள் தொழநமக் குண்டு.
எந்தச் சொல்லையும் சொடுக்கினால் அதன் பொருள் தோன்றும்.
பொழிப்புரை
உலகைக் காப்பதற்காக நஞ்சினை (ஆலகால விஷத்தை) உண்டவனும், தன் அடியாரான மார்க்கண்டேயனைக் காக்க அந்த எமனையே காலால் உதைத்து அழித்தவனுமாகிய, உலகமே போற்றும் வெற்றி வடிவேலனின் (முருகனின்) தந்தையான ஆற்றல்மிக்க சிவபெருமானின் நல்ல திருவடிகளை நாம் தொழுது வணங்கினால், எவ்விடத்தும் எப்போதும் நமக்கு வெற்றியே உண்டாகும்!
5.0
உங்கள் மதிப்பீடு:
இந்தச் செய்யுளை இணையத்தில் காண
தொடர்புடையவை
சிவ வெண்பாக்கள்
சிவ-சீவ ஐக்கியம் - காப்புச் செய்யுள்
சித்தம் சிவமாக்கிச் செப்பிடுமிந் நூல்தழைக்க
நித்தமும் நமச்சி வாயநம - வித்தகமாய்ப்
பித்தன் எனநின்று பேரின்பம் ஈந்துலகை
உய்த்திடுவான் தாளே துணை.
அதே பா வகை
சிவ வெண்பாக்கள்
சிவ-சீவ ஐக்கியம் : ஆதி நிலை - 1
அப்பன் சிவனருளால் ஆவனயாம் எவ்வுயிரும்
செப்பரிய சோதித் திருவுருவே - செப்பினால்
அவனன்றி நானில்லை நானின்றி ஈசன்
புவனத்தில் இல்லை புரிந்து.
அதே பா வகை
சிவ வெண்பாக்கள்
திருவருள் வெண்பா
தீமை யழித்துச் செழுஞ்சமூ கங்காக்கும்
தூயவடி வீசன் துணையாவான் — நேர்மையுடன்
எந்நாளும் நல்வாழ்வு ஈந்தருளும் எம்பெருமான்
பொன்னார் கழலே புகல்.
அதே பா வகை
கருத்துகள்
இன்னும் கருத்து எதுவும் இல்லை. முதல் கருத்து உங்களுடையதாக இருக்கட்டும்.