சித்தப்பித்தன்
10 ஆகஸ்ட் 2026
மாண்புடைய பெண்ணை மதித்துந் தினமுமே
காண்போம் கனிவாய்க் கருணையால் - பூண்நிறைந்த
பொன்னான தேகம் பொலிவுபெற ஓய்வினை
அந்நாளில் ஈதல் அழகு.
எந்தச் சொல்லையும் சொடுக்கினால் அதன் பொருள் தோன்றும்.
பொழிப்புரை
இத்தகைய மாண்புடைய பெண்ணை நாம் தினமுமே கருணையோடும் கனிவோடும் மதித்துப் போற்ற வேண்டும். அணிகலன்கள் அணிந்த அவளது பொன்னான உடல் மேலும் பொலிவு பெறுவதற்காக, அந்த மாதவிடாய் நாட்களில் அவளுக்குத் தேவையான ஓய்வைக் கொடுப்பது ஒரு அழகிய செயலாகும்.
—
உங்கள் மதிப்பீடு:
இந்தச் செய்யுளை இணையத்தில் காண
தொடர்புடையவை
வெண்பா
செந்நீர் மாண்பு
திங்கள் சுழற்சியில் செந்நீர் வெளிவரல்
மங்கையர் தேகத்து மாண்பாகும் - துங்க
உயிர்களை மண்ணில் உதிக்கவே செய்யும்
செயலது விந்தையின் சீர்.
அதே தொகுப்பு
வெண்பா
கருவாக்கும் குருதி
சீர்ஆன பூப்பைத் தீட்டென்று சொல்லியே
ஊரார் ஒதுக்குதல் ஊனமே - நேராக
மண்ணில் மழலை மலரக் கருவாகும்
பெண்ணின் உதிரம் பெருமை.
அதே தொகுப்பு
வெண்பா
மலைநிகர் மங்கை
பெருமைக் குரிய பெருநிகழ்வால் நெஞ்சில்
உருவாகும் சோர்வை உடைப்பாள் - தருமமிகு
வலியினைத் தாங்கி மலையென நிற்பாள்
பொலிவோடு பெண்ணவள் பார்.
அதே தொகுப்பு
கருத்துகள்
இன்னும் கருத்து எதுவும் இல்லை. முதல் கருத்து உங்களுடையதாக இருக்கட்டும்.