அனைத்துப் படைப்புகள் — சித்தப்பித்தன்

பிறப்பின் மூலம்

என்பார் பெரியோர் இதுபுனித இரத்தமென்று அன்பால் அகிலம் அகமகிழ - முன்பே பிறப்பிற்கும் மூலப் பெருமை இதுவே சிறப்பாய்ப் போற்றுதல் சிறப்பு.

10 ஆகஸ்ட் 2026 11

வெண்பா

படைப்பின் இறைவி

செயல்ஆல் உலகைச் செழிக்கவே செய்யும் இயற்கையின் அற்புதம் இஃதே - மயக்கத்தால் கல்லா மூடரைக் கடிந்தொதுக் கிப்புவியே எல்லாம் இறைவி என்பார்.

10 ஆகஸ்ட் 2026 9

வெண்பா

கருப்பையின் விழிநீர்

மகிழ்வுஆய்க் கருப்பை மகவைச் சுமக்கா இகழ்வில் விழிநீர் இதுவே - தகுதியாய்ப் பத்தாம் திங்களில் பச்சிளஞ் சேய்தர சுத்தமாய் ஆக்கும் செயல்.

10 ஆகஸ்ட் 2026 8

வெண்பா

பழமையிருள் களைதல்

அழகுஆன மெய்ப்பாட்டை அஞ்சிக் குறைகூறும் பழமை இருளைப் பகர்வோம் - முழக்கமிட்டு கட்டுப் படிகடந்து கன்னி வெளியேவா மட்டற்ற பூப்பு மகிழ்வு.

10 ஆகஸ்ட் 2026 10

வெண்பா

கனிவுறு காப்பு

மாண்புடைய பெண்ணை மதித்துந் தினமுமே காண்போம் கனிவாய்க் கருணையால் - பூண்நிறைந்த பொன்னான தேகம் பொலிவுபெற ஓய்வினை அந்நாளில் ஈதல் அழகு.

10 ஆகஸ்ட் 2026 12

வெண்பா

உயிர்ப்பயிர் உழத்தி

ஆவாள் உயிரை அளிக்கும் உழத்தியாய் காவாய் கருப்பை கசிந்தொழுக - நாளும் உதிரத்தைப் பாய்ச்சி உயிர்ப்பயிரை ஏந்தும் மதுர நிலமவள் மாண்பு.

10 ஆகஸ்ட் 2026 11

வெண்பா

திங்கள் சுழற்சி

பார்இல் நிலவு பவனிவரு தல்போல நாரியும் திங்கள் நடைபெறுவாள் - சீராய் உடலைப்பு துப்பித்து உன்னதப் பேற்றை அடையத் தயாரா வாள்.

10 ஆகஸ்ட் 2026 13

வெண்பா

மலைநிகர் மங்கை

பெருமைக் குரிய பெருநிகழ்வால் நெஞ்சில் உருவாகும் சோர்வை உடைப்பாள் - தருமமிகு வலியினைத் தாங்கி மலையென நிற்பாள் பொலிவோடு பெண்ணவள் பார்.

10 ஆகஸ்ட் 2026 15

வெண்பா

கருவாக்கும் குருதி

சீர்ஆன பூப்பைத் தீட்டென்று சொல்லியே ஊரார் ஒதுக்குதல் ஊனமே - நேராக மண்ணில் மழலை மலரக் கருவாகும் பெண்ணின் உதிரம் பெருமை.

10 ஆகஸ்ட் 2026 11

வெண்பா

செந்நீர் மாண்பு

திங்கள் சுழற்சியில் செந்நீர் வெளிவரல் மங்கையர் தேகத்து மாண்பாகும் - துங்க உயிர்களை மண்ணில் உதிக்கவே செய்யும் செயலது விந்தையின் சீர்.

10 ஆகஸ்ட் 2026 15

வெண்பா

பேறுபெற்றவர் வாழ்வு

மண்ணில் புகழோடு வானோர் நலம்பெற்று எண்ணும் பொருளும் இனிதுவாழ - நண்ணியே எல்லா வளமும் ஒருங்கே எழில்பெற இல்லறம் காணும் இனிது.

10 ஆகஸ்ட் 2026 11

வெண்பா

இன்பம் முக்தி (நிம்மதி)

எண்ணமெல்லாம் ஈசன் இணையடியில் வைத்துப் புண்ணியம் செய்தே புகுந்தின்பம் - நண்ணி அமைதி யடைந்து அகிலந் துறப்பதே சுமையற்ற முக்திச் சுகம்.

10 ஆகஸ்ட் 2026 8

வெண்பா

நல்ல விதி (நல்வினை)

முற்பகல் செய்த நல்வினையே முன்னேறி நற்பலன் நல்கும் நல்விதியாம் - எக்காலும் நன்மை பயக்கும் நறுமணம் போலே புன்மை அகற்றும் புகழ்.

10 ஆகஸ்ட் 2026 9

வெண்பா

பொன் (தங்கம்)

மங்கலச் சீரளிக்கும் மாண்புடைய பொன்னே தங்க நிகரெனத் தழைக்கும் - எங்குமே மதிப்பினைத் தந்து மனமகிழ்வு நல்கும் விதிப்பயனால் வாய்க்கும் விருந்து.

10 ஆகஸ்ட் 2026 11

வெண்பா

வெற்றி (ஜெயம்)

தொட்டனைத்தும் துலங்கத் தொடர்ந்தே வெற்றியும் கிட்டுமே நற்செயலால் கெம்பீர - மாகவே வெற்றித் திருமகள் விளையாடும் வீடென முற்றிலும் முற்றியே முந்து.

10 ஆகஸ்ட் 2026 13

வெண்பா

நன்மக்கள் (பிள்ளைகள்)

தந்தைக்கும் தாய்க்கும் தகுந்த புகழ்தந்து சிந்தை வியக்கும் நன்மக்கள் - முந்தையோர் செய்த தவம்வந் திணையுமிந்தப் புவியினில் உய்தி அளிக்கும் உயிர்.

10 ஆகஸ்ட் 2026 11

வெண்பா

அழகு (பொலிவு)

அகத்தின் அழகே அணிபெறத் தோன்றும் முகத்தின் பொலிவாய் முதிரும் - மிகத்தகுந்த கண்ணியமே மேனி கவினாய்ப் பொலிந்திடப் புண்ணியம் செய்தார்ப் பொருள்.

10 ஆகஸ்ட் 2026 10

வெண்பா

தானியச் செல்வம் (உணவு)

பசியெனும் தீயைப் பனிபோல் அணைக்கும் நசையறு தானியம் நல்கும் - இசைசேர உண்பார் மகிழ உலகளிக்க வல்லதே வண்பார் நிலத்தின் வளம்.

10 ஆகஸ்ட் 2026 8

வெண்பா

பொருட்செல்வம் (செல்வம்)

அறவழியில் ஈட்டும் அரும்பொருளே வாழ்வின் திறமான செல்வமாய்த் திகழும் - புறமே இரவாது வாழ்வளிக்கும் ஈடில்லா நிதியைப் பரவாப் புகழாய்ப் பணி.

10 ஆகஸ்ட் 2026 9

வெண்பா

இளமை (உற்சாகம்)

தளர்விலா ஊக்கம் தகுந்த இளமை ஒளிரும் முகத்தோடு உவகை - களங்கமில்லா உள்ளக் களிப்பே உயிர்ப்பாம் இளமையென வள்ளல் அன்னை வழங்கல்.

10 ஆகஸ்ட் 2026 11

வெண்பா

ஆற்றல் (வலிமை)

ஆற்றல் மிகுந்தே அகிலம் அதுவெல்ல போற்றும் புகழே பொலிந்திடும் - மாற்றமில்லா வீரம் விளைந்த விளைநிலமே கீர்த்தியாம் பேறெனவே கொள்வாய் பெரிது.

10 ஆகஸ்ட் 2026 11

வெண்பா

ஆயுள் (நீண்ட வாழ்நாள்)

பிணியில்லா மெய்யும் பெருகுமோர் ஆயுள் மணியெனவே காக்கும் மகிழ்வாம் - துணிந்து அறமே புரிந்து அகலிருள் நீக்கி நிறைவாழ்வு கொள்வார் நிலத்து.

10 ஆகஸ்ட் 2026 12

வெண்பா

கல்வி (அறிவு)

கற்றார் அறிவே கடல்சூழ் புவியாளும் பொற்றார் நிதியினும் பொலிவாம் - எற்றே அழிவில்லா மெய்ஞானம் அண்டத்துள் ஓங்கி வழித்துணை யாகும் மதி.

10 ஆகஸ்ட் 2026 11

வெண்பா

துணிவு (தைரியம்)

அஞ்சாமை கொண்டாரே ஆள்வார் புவியதனை வெஞ்சூழ் வினையனைத்தும் வேரறுக்கும் - நஞ்செனவே ஏறுநடை கொண்ட துணிவே எழிற்பெருஞ்சீர் பேறுகளுள் மிக்கதொரு பேறு.

10 ஆகஸ்ட் 2026 24