Shiva Venbas

என்னப்பன் சிவனே என் எண்ணம் செயல் சொல் எல்லாம் நீதானப்பா..!

20 works

Collection Sort

பிறவிப் பெரும்பேறு

மானிடமாய் இம்மா நிலத்தில் பிறப்பெடுத்து தேனிசனைப் போற்றும் வரம்பெற்றேன் - ஊனில் உருகி உமையாளன் சேவடியை நாளும் தொழுதேத்த வாய்த்ததுவே பேறு.

14 August 2026 9

அப்பன் சிவனருளால் ஆவனயாம் எவ்வுயிரும் செப்பரிய சோதித் திருவுருவே - செப்பினால் அவனன்றி நானில்லை நானின்றி ஈசன் புவனத்தில் இல்லை புரிந்து.

11 August 2026 13

சித்தம் சிவமாக்கிச் செப்பிடுமிந் நூல்தழைக்க நித்தமும் நமச்சி வாயநம - வித்தகமாய்ப் பித்தன் எனநின்று பேரின்பம் ஈந்துலகை உய்த்திடுவான் தாளே துணை.

11 August 2026 15

தீமை யழித்துச் செழுஞ்சமூ கங்காக்கும் தூயவடி வீசன் துணையாவான் — நேர்மையுடன் எந்நாளும் நல்வாழ்வு ஈந்தருளும் எம்பெருமான் பொன்னார் கழலே புகல்.

11 August 2026 21

ஆல முண்டான் அடியாரைக் காத்திடவே காலனை யுதைத்துக் காய்ந்தானே — ஞாலத்து வெற்றி வடிவேலன் தந்தை விறல்சிவன் நற்றாள் தொழநமக் குண்டு.

10 August 2026 24 5.0(1) 1

நெஞ்சில் குடிபுகுந்த நேசத் தனித்துணையே அஞ்சல் எனவபயம் தந்துமே—நெஞ்சாரக் கண்போல் எனைக்வாழ்த்திக் காக்குமே எப்போதும் நண்பனாம் ஈசன் நமக்கு!

10 August 2026 10

ஈசனின் திருவடிகளில் முழுமையான அடைக்கலம்

அப்பனே சிவனேஎன் ஆருயிர் நாதனே! அகிலத்தை ஆளுகின்ற அரசே யப்பா! எப்பொழுதும் என்சிந்தை எண்ணமும் செயல்களும்! எல்லாமும் நீயாக நின்றா யப்பா!

10 August 2026 14 5.0(1)

**இருவினைத் தீயை இடறிக் களைந்து மருவினைத் தீர்க்கும் மதியாய் - ஒருநொடிக்குள் ஈசன் எனையிழுத்துத் தன்வசமாத் தந்திடுவான் வீசும்கருணை வியன்.**

9 August 2026 66 3.5(2)

வல்வினைகள் > முன்போல நில்லா முறிந்த

நீல விடம்உண்ட நிர்மலனைக் காளத்தியான் ஆல நிழலமர்ந்த அண்ணலை — ஞாலத்து அன்போடு போற்றித் துதிப்பார்க்கு வல்வினைகள் முன்போல நில்லா முறிந்து.

9 August 2026 15